Ընտանեկան ճգնաժամային միջամտության առանձնահատկությունները բռնության պարագայում

Ընտանեկան բռնության հետևանքները

Մի շարք հետազոտություններն ու միջազգային փորձի վերլուծությունը ցույց է տվել, որ երկարատև ժամանակ միայն ականատես լինելը ընտանեկան բռնությանը, հավանականություն ունի երեխայի մոտ առաջացնելու նույն հոգեբանական հետևանքները, որոնք դրսևորվում անմիջապես բռնության ենթրակվելու պարագայում:

Այսպիսով, անչափահասների պարագայում, ընտանեկան բռնությունը տարածվում է անչափահասի պարագայում, ինչպես անմիջապես բռնության ենթարկվելով, այլ նաև ականատես լինելով:

Բռնությունը ընտանիքում անչափահասի պարագայում կարող է առաջացնել մի շարք հոգեբանական խնդիրներ, որոնք բաժանվում են կարճատև և երկարատև հետևանքների:

Կարճատև հետևանքներն են.

• • Ինքնամեղադրանք բռնության համար
  • Քնի հետ կապված խնդիրներ՝ գիշերային մղձավանջներ, քուն մտնելու դժվարություններ, ընդհատվող քուն, քայլել, խոսել քնի ընթացքում
  • Ախորժակի հետ կապված խնդիրներ
  • Ռեգրեսիվ  հետընթացային վարք
  • Ցավի նկատմամբ զգայունակության իջեցում
  • Տագնապային մտքերի առկայություն՝ հատկապես ծնողներից հեռու լինելու պարագայում
  • Անընդհատ և կպչուն վտանգի սպասում կամ կանխատեսում
  • Վախերի առկայություն, որոնք իր տարիքին բնորոշ չեն
  • Ագրեսիվություն, դեստրուկտիվ վարքի դրսևորում
  • Ուշադրության կենտրոնացման դժվարություններ
  • Ցածր ինքնագնահատական
  • Խուսափում մարդկանցից կամ միջացառումներից, մեկուսացում
  • Կենդանիների  նկատմամբ դաժանության դրսևորում
  • Բուլլինգ հասակակիցների նկատմամբ, ընդ որում՝ թե որպես իրականացնող և թե որպես բուլինիգի ենթարկվող
  • Խոսքի հետ կապված դժվարություններ`  առավել հաճախ հանդիպող դրսևորում՝ կակազ
  • Դեռահասների մոտ ալկոհոլի չարաշահում կամ նյութերի չարաշահում
  • Ֆիզիկական և  տարբեր օրգան համակարգերի հետ կապված խնդիրներ՝գլխացավեր,  ստամոքս-աղիքային համակարգի հետ կապված խնդիրներ, սիրտ-անոթային համակարգի խնդիրներ

Երկարատև հետևանքներ.

• • Ծնողների դերերի հետ նույնականացում, բռնության դիտարկում որպես հարցերի լուծման լավագույն տարբերակ
  • Ուսուցման գործընթացի դժվարություններ,
  • Մեծահասակների նկատմամբ վստահության բացակայություն
  • Ինքնասպանության մտքեր և ինքնասպանությա փորձեր
  • Տանից փախչելու հաճախակի փորձեր
  • ՀՏՍԽ զարգացման հավանականություն

 Հարկ է նշել, որ անչափահասի արձագանքը և հետևանքներն ընտանեկան բռնությանը կարող է կախված լինել մի շարք գործոններից՝  բռնության դրսևորումների հաճախականությունը և բնույթը, անմիջապես բռնության ենթարկվելն ու ականատես լինելը, անչափահասի տարիքը,սեռը, բռնության դրվագից հետո անցած ժամանակահատվածը և այլն: