Դպրոցական հոգեբանի աշխատանքը պատերազմի ժամանակ

Կանխարգելում

Դպրոցները հստակ պետք է ունենան ճգնաժամային իրավիճակների կանխարգելման, սովորողների ապահովության և անվտագության ռազմավարություններ։

Նախապատրաստում

Կրթական հաստատությունները պետք է տրամադրեն անհապաղ, տեղին և ժամանակին աջակցություն ճգնաժամերի դեպքում, որն իրականացնում են՝

• նախնական պլանավորման,

•համագործակցությունների սահմանման,

• անընդհատ վերանայվող ճգնաժամային պլանավորման,

•անձնակազմի մշտական վերապատրաստման,

• ԱՀՕ տրամադրման սկզբունքների իմացության միջոցով։

Արձագանքում

Ճիշտ իրականացված բոլոր քայլերը հնարավորություն են տալու նվազեցնելու հնարավոր բարդացումների հավանականությունը արտակարգ իրավիճակի ազդեցությամբ։ Արձագանքման փուլում կրթական կառույցը հստակ հետևում է նախապես սահմանված պլանի և ԱՀՕ հիմնական սկզբունքներին։ Թեև ճգնաժամային իրավիճակը ենթադրում է անկանխատեսելի հետևանքներ, միևնույնն է, հստակ արձագանքման ձևերը հնարավոր են դարձնում հասանելի անվտանգ պայմանների ստեղծումը։

Վերականգնում

Անհարաժեշտ է իրականացնել հատուկ քայլեր՝ սովորողներին, նրանց ծնողներին և մանկավարժական անձնակազմին ճգնաժամային իրավիճակից հետո աջակցելու համար։ Այս փուլում իրականանում է հոգեբանական և ֆիզիկական վնասի գնահատում և դրան համապատասխան աջակցության կազմակերպում։ Ճգնաժամային իրավիճակի վաղ փուլերը սովորաբար ամենաարդյունավետն են լինում ԱՀՕ տրամադրման համար, որից հետո անհրաժեշտ է լինում պլանավորել երկարատև աջակցությունը։