Ծրագրի նկարագրություն

Դասընթացի փորձագետ՝ Տաթևիկ Աբրահամյան 

Մանկական հոգեբան, դասախոս, դասընթացավար, ավարտել է ԵՊՀ-ի փիլիսոփայության և հոգեբանության ֆակուլտետը, ապա մագիստրատուրան՝ «Զարգացման հոգեբանություն» մասնագիտացմամբ։

Շուրջ 9 տարի աշխատում է որպես կրթական հոգեբան՝ աջակցություն ցուցաբերելով սովորողներին, նրանց ծնողներին և մանկավարժներին։
2016թ.-ից դասավանդում է ԵՊՀ անձի հոգեբանության ամբիոնում՝ կրթության հոգեբանությանը, դպրոցական հոգեբանական խորհրդատվության կազմակերպմանը, դեռահասների հոգեբանական աջակցությանը, հոգեբանական խորհրդատվությանը,օժտված երեխաների հոգեբանական աջակցությանն առնչվող առարկաներ:
Վերջին 7 տարիների ընթացքում մշակել, համակարգել և իրականացրել է դասընթացներ հոգեբանության և կրթության ոլորտում՝ որպես դասընթացավար և վերապատրաստող՝ համագործակցելով տարբեր կազմակերպությունների հետ։
Գիտական հոդվածների հեղինակ է: Գիտական հետաքրքրությունների շրջանակն առնչվում է կրթության հոգեբանությանը, օժտված երեխաների հոգեբանությանը, տարիքային հոգեբանությանը:
Մասնակցել է բազմաթիվ մասնագիտական տեղական և միջազգային դասընթացների։
Մանկական և կրթության հոգեբանների հայկական ասոցիացիայի համահիմնադիրն է։
«Արևաթև» մանկական կրթական ճամբարի համահիմնադիր է ։
ԱՇԴՎ Հայաստանի հոգեթերապևտների ասոցացիայի խորհրդի անդամ է։
Զարգացման հոգեբանների Եվրոպական ասոցիացիայի անդամ է։

Դասընթացի փորձագետ՝ Լուսինե Աղաբեկյան 

Մանկական և կրթության հոգեբանների հայկական ասոցիացիայի հիմնադիր խորհրդի անդամ:

Ավարտել է ԵՊՀ հոգեբանության բաժնի բակալավրիատը և մագիստրատուրան «Կլինիկական հոգեբանություն և հոգեթերապիա» մասնագիտացմամբ: ԵՊՀ անձի հոգեբանության ամբիոնի ասպիրանտ է, 2014թ.-ից նաև դասախոս: Իրականացնում է անհատական խորհրդատվություն երեխաների, դեռահասների և մեծահասակների հետ, ինչպես նաև խմբային աշխատանքներ և դասընթացներ՝ համագործակցելով տարբեր կազմակերպությունների հետ: 7 տարի աշխատել է որպես կրթության հոգեբան՝ խորհրդատվական, ախտորոշիչ, զարգացնող, կանխարգելիչ աշխատանքներ իրականացնելով երեխաների, դեռահասների, մանկավարժների և ծնողների հետ: Հանդիսանում է հոգեուռուցքաբանության հայկական ասոցիացիայի գիտակրթական ստորաբաժանման ղեկավարը, ԱՇԴՎ Հայաստանի հոգեթերապևտների ասոցիացիայի անդամ։

Մանկական և կրթության հոգեբանների հայկական ասոցիացիա